Энэхүү сургалтын модуль нь ерөнхий боловсролын сургуулийн бага, дунд, ахлах анги болон мэргэжлийн сургалт, үйлдвэрлэлийн төв, насан туршийн боловсролын төвд суралцаж буй “Сонсголын бэрхшээл”-тэй (СБ) хүүхэдтэй ажиллаж буй багш, боловсролын мэргэжилтэн, туслах багш, сэтгэл зүйч, нийгмийн ажилтан, эцэг эх/ асран хамгаалагч нарт мэдлэг, чадвар олгох зорилготой.

Сургалтын модуль нь нийт 6 бүлэг, 30 цагийн агуулгыг багтаасан болно.

Нэгдүгээр бүлэгт Сонсголын бэрхшээлтэй хүүхдийн онцлог, төрөл хэлбэрийн талаарх онолын хэсэг, хоёрдугаар бүлэгт сургуулийн дэмжлэгийн баг нь сонсголын бэрхшээлтэй хүүхэдтэй ажиллах төлөвлөлтийг хэрхэн хийх, анги удирдсан болон хичээл зааж буй багшид ганцаарчилсан сургалтын төлөвлөгөө (ГСТ)-г боловсруулахад ямар дэмжлэг үзүүлэх, дэмжлэгийн багийн тогтмол уулзалтаар ямар асуудал хэлэлцэх талаарх холбогдох журам болон дадлага ажлыг тест, видео хичээлийн агуулгаар үзүүлсэн болно. Та, гуравдугаар бүлгээс сонсголын бэрхшээлтэй хүүхдийн суралцах чадвар болон бодит байдлыг тогтоох аргачлал, асуултуудыг татан авч, ажиллах боломжтой. Дөрөвдүгээр бүлэгт сонсголын бэрхшээлтэй хүүхэдтэй ажиллах ерөнхий арга зүй, тэдний суралцах онцлогийн талаар өгүүлнэ. Тавдугаар бүлгээс та сонсголын бэрхшээлтэй хүүхэдтэй ажиллах ганцаарчилсан сургалтын төлөвлөгөөний шинэчилсэн журам, жишиг ГСТ-нүүдтэй танилцаарай. Зургаадугаар бүлгээс сонсголын бэрхшээлтэй хүүхдийн эцэг эх/ асран хамгаалагч нартай хэрхэн ажиллах арга зүйг суралцаарай.

Багш Та, модулийг дараах дарааллын дагуу судлаарай. Үүнд:

Сургалтын өмнөх тест бөглөнө.
Удиртгал хэсэгт буй “Тэгш хамран сургах боловсролтой холбоотой онолын тухай мэдээлэлтэй заавал танилцаарай.
Сэдэв тус бүрийн унших материалыг уншиж судална.
Уншиж судалсан агуулгад тулгуурлан, бие даан ажиллах дасгалыг хийж гүйцэтгэнэ.
Сэдэв бүрийн төгсгөлд сургалтын модулийг цаашид хэрхэн сайжруулах талаар санал хүсэлтээ бичиж үлдээнэ үү.
Сургалтын дараах тест бөглөж, амжилттай суралцсан гэрчилгээгээ хэвлэж авна.

Энэхүү онлайн сургалт нь зургаан сарын хугацаанд үзэх эрхтэй.

Бид модулийн агуулгыг тогтмол шинэчилж байх болно.

Танд амжилт хүсье.

“Сонсголын бэрхшээлтэй хүүхдийг тэгш хамран сургах арга зүй" сургалтын модуль

Хичээлийн танилцуулга